ANWAR THE ARTIST / అనగనగా ఒక చిత్రకారుడు.

మారియో మా మారియో

2011-12-11T16:47:00.001+05:30

మారియో సర్ గురించి చాలా చెప్పుకొవాలి..... తొలి రొజులనించి ఈరొజు వరకు నన్ను నిలబెడుతొంది ఆయన బొమ్మల వూతమే. బాహ్య ప్రపంచానికి ఇవ్వాల్టి నించి మారియో లేరు, కాని మా మనస్సుల నుంచి మా గీతల నించి ఆయన దూరమెట్లవుతరు ? ఆయన బొమ్మల్లొనించి మేము ప్రపంచాన్ని చూశాం, ఇకనుంచి మా బొమ్మల్లొ మారియోని చూపించుకుంటాం.

బాపు బొమ్మల కొలువుకు ఎందుకు రావాలి??

2011-06-02T08:30:00.001+05:30

ఇంగ్లీషు మాట దొర్లని తెలుగువాక్యంలేనట్లుగానే, బాపు బొమ్మ చూడని రొజంటూ వుంటుందా? దినాం చూడబడుతున్న పేపరులొగాని, చదవబడుతున్న పత్రికల్లొ , దిక్కుమాలించబడుతున్న చానల్లలోంచి, పెళ్ళి పత్రికలు, బారసాల అహ్వానాలు........................అనేక సకలం బాపుగారి బొమ్మల్తొ , అక్షరాలతొ నిండి వున్నాయి కదా మళ్ళీ ఈ కొలువెందుకు ప్రభూ? అనే సందేహం సమంజసమే.
మీరు చూస్తున్న పత్రికల్లొ బొమ్మకి- అచ్చయిన బొమ్మకి తేడా ఎంతొ తెలుసునా 60 నించి 70 శాతం, రంగులొనైనా, రేఖలొ నైనా కనీసం అంత తేడాతొ బొమ్మ ప్రింట్ అవుతుంది, డిజిటల్ బొమ్మలొ, ఆయిల్ పెయింటింగులొ ఎప్పుడూ చిత్రకారుని సత్తా బయట పడదు, (డిజిటల్ బొమ్మని కొటి సార్లు కంట్రొల్ జెడ్ కోట్టి,, ఆయిల్ పెయింటింగ్నయితే అరకొటి సార్లు కోటింగ్ మార్చి దిద్ది చూపవచ్చు) ఇంక్ డ్రాయింగ్కి, నీటి రంగులకి అంత అద్రుష్త్టం వుండదు, గుండెనిండా గాలి, సత్తా నింపుకున్న ఇంకు గీత ఒక్కసారి దూసామా...........
(పేపర్ పైన ఇంకు కన్నా పోస్టర్ వైట్ నింపే చిత్రకారులు కూడా వుండవచ్చు ,అద్రుష్టం కొద్ది వారు వొరిజినల్ చిత్రాల ప్రదర్శన పెట్టరు కాబట్టి భయము వద్దు)
పప్పి వారి మైనం అగ్గి పెట్టె సైజ్ నుంచి A3 నర్ర కొలత వరకు గల - ఒక్క బాపు గారికే సాధ్యమైన బాపు రేఖలివి , మీకైతే తీరిక వుం డదు గాని బొమ్మలతొ పొట్ట నింకునే నా బొటి వాడ్కి , ప్రపంచం మూలల్లొ మహత్తరమైన రేఖా విన్యాసాలకోసం వెతికే నాకు తెలుసు, బాపు లాంటి చిత్రకారుడు ప్రపంచంలొ ఎక్కడా లేరు (విపులా చ పృథ్వీ అని ఎవరైనా అంటే నేనేం మాట్లాలేనుగాని ) కనీసం భారద్దేశం వరకు గ్యారంటి, అయ్యా నీకున్న స్కొడా కారు, మీ అబ్బాయిగారి కొస్తున్న 50 లాక్స్ ఫర్ ఆనం కాదు మన అద్రుష్టం, బాపు పుట్టిన గడ్డ పై పుట్టడమే మన జన్మ చేసుకున్న పుణ్యం. గుర్రాన్ని నీటి దగ్గరికి తీసుకెల్లే ప్రయత్నం కాదిది. మీఇంట్లొనొ, మీ బంధువులింట్లొనొ కొన్ని బుల్లి చేతులుంటాయి, గోళ్ళల్లొ మట్టితొ బాటు క్రెయాన్ మైనాన్ని కూడా నింపుకున్న చేతులవి, మన సంస్కార లేమి వల్ల ఇప్పటికే ఆ బుర్రలనిండా పొకేమాన్ లు మిక్కి మౌసు లు తిష్ట వేసుక్కూచునుంటాయి , ఒక్కసారి వాళ్ళకు బుడుగును కూడా చూపించండి, బాపుని దర్శింప చేయండి , ఇప్పుడు కాకపొతే మరెప్పుడు కాదు

నేను పుట్టకముందటి అంటే 35 సంవత్సరాలకు ఇంకా అంత క్రితం బంగారు రొజుల్లొ బాపుగారి ఒరిజినల్స్ తొ వొ ప్రదర్శన జరిగిందట, ఆప్పటి ఆ బొమ్మల్ని ఒల్లంతా కళ్ళై నింపుకున్న ఒ చంద్రశేఖర్ దరిమిలా ఆర్టిస్ట్ చంద్ర అయ్యారు. ఆ తరువాత్తరువత బాపు బొమ్మల్నించి గొపీలు, మొహన్ లు కరుణాకర్లు బయటికొచ్చారు ,తెలుగు ఇలస్ట్రెషన్ పుట్టి ఇంకా 80 ఏండ్లు కూడా కాలేదు , చావడానికి సిద్దంగా వుంది .సినిమా వాళ్ళకు , రాజకీయం వాళ్ళకేనా వారసులు! కళలకు వద్దా ??
మనకు చాలినంతమంది పొలీసులు, పొలిటీషియన్లు, కల్యాణ్ పవన్లు, కమ్ముల శేఖర్లు వున్నారు, మిగుల్చుకొడానికే బాపు, చంద్ర, గొపి, బాలి, మొహన్, కరుణాకర్లు లేరు, మీవెంట తీసుకొచ్చే మీ చిన్నారుల్లొ ఒక బాపు వుంటాడు వాడి కోసమే ఈ కొలువు, దాని కొసమే బాపు బొమ్మల కొలువుకు మీరు రావాలిపుడు.

ఇదిగిదిగొ బాపు బొమ్మల కొలువు

2011-05-31T10:24:00.000+05:30

ఐ హేట్ బాపు!

2011-05-30T10:23:00.000+05:30

ఆత్మ దీపం వెలుగూతూనే ఉంది....

2011-03-07T13:35:00.000+05:30

నరేష్ నున్నా గారి నివాళి శ్రీ ముళ్ళపూడి గారిపై................. సండే ఇండియన్ నుంచి

జ్ఞాపక రమణీయం......

2011-03-06T08:39:00.000+05:30

అది గురు నానక్ జయంతా? వరహ ద్వదశా? ముక్కొటి ఏకా దశా ఎప్పుడూ పట్టించుకున్నది లేదు,కేలండర్లొ ఎర్రక్షరాలు కనబడ్డాయా చాలు బాపు గారికి పొన్ కొట్టాల్సిందే విషేష్ చెప్పాల్సిందే.. అట్లాంటి రొజులేవి రొజుల్లొకూడా పొన్ చేసే వాణ్ణి " పనేం లేదు బాపు గారు ,వొట్టి పుణ్యానికే మీ గొంతు విందావని అంతే" చండ ప్రచండుడైన బాపు గారితొనే ఇంత తులవ గా వుంటే చల్లని రమణ గారి తొ ఇంకెంత వేషాలు పడవచ్చు ? సరస్వత్తొడు , వొట్టిపుణ్యానికి కాదు కదా గట్టి పనిమీద కూడా ఆయనకు పొన్ చేసిందే లేదు (వొక్క సారితప్ప)ఎప్పుడూ బర్థ్ డే విషెష్ గాని, భర్త డే శుభాకాంక్షలు గాని చెప్పిందీ లేదు ఎందుకొ ఆయనంటే అదొ జంకు............................

అతడు భూరిప్రతాప..........

2010-10-25T15:55:00.003+05:30

మీకు సన్మానం చేస్తాం గుంటూర్రండి సార్ అట్లాగే మా గుంటూరు చూద్దురుగాని "అన్నారు ఒకరు (గుంటూర్లొ ఏం చూస్తాం?)
మా వాడి పెళ్ళి గుంటూర్లొ మీరు తప్పకుండా రావాలి   పన్లొ పని గుంటూరు ఎప్పుదు చూల్లేదు అన్నారుగా చూద్దురుగాని" అన్నారు ఇంకొకరు ( ఏం చూస్తాం గుంటూర్లొ?)

కాని....గుంటూరెల్లాలి తప్పకుండా వెల్లాలి, వాడు అక్కడే వుంటాడు ,ఎక్కడికీ తప్పించుకు పొలేడు, వాడు 'పాండు '

ఎస్సెమ్మెస్సులకు దొరకని పాండు, మొబైల్ మాటలకు అందని పాండు, సంవత్సరానికి   365 రొజులు నన్ను ద్వేషించిన పాండు, శపించిన పాండు " రంజానుకు మా ఇంటికి భొజనానికి రా గురూ" అంటూ బాగ్ లింగంపల్లి మెయిన్ రోడ్ కుడిపక్కనుంచి నే పొన్ చేస్తే బాగ్ లింగంపల్లి మెయిన్ రోడ్ ఎడంపక్కనుంచి "నే వారం రొజులుగా వినుకొండలొ వున్నా గురు, ఆ రంజాన్ ఏదొ అయ్యాక గాని వూర్లొకి రానన్న బొంకుల పాండు , బొంకడానికి వీల్లేకుండా గుంటూరు లొ వున్నాడు, అక్కడే వుంటాడు ఇక ఎక్కడికీ తప్పించుకు పొలేడు, పాండు చచ్చి పొయాడు.

ఎంత దారుణమైన వాక్యం ఇది వ్రాయక వ్రాయక పాండు మీద వ్రాస్తే ఇట్లాగా వ్రాయడం ??
నతడు భూరిప్రతాప మహాప్రదీప
దూర విఘటిత గర్వాంధకార వైరి
వీర కోటీర మణిఘృణి వేష్టితాంఘ్రి
తలుడు వీడు అనగా ఈ పాండు( తిక్కన వారి విరాట పర్వంలొనిదీ పద్యం "దీనిపై సకల హక్కులూ నావేరా కుయ్యాస్: అనేంత వోన్ చేసుకున్నాడు బాపు, చంద్ర, మొహన్ గార్ల ప్రస్తావన వొచ్చినప్పుడల్లా ఈ పద్యం పాడేవాడు, నేను వినలేదు గాని చిత్రకారుడు హంపి గురించి కూడా ఎప్పుడొవొకప్పుడు దీన్ని పాడేవుంటాడు , హంపి అంటే చెప్పనలవిగానంత ప్రేమ వుందేది పాండూకి) వీడిని చూడండి, వీడి పనితనాన్ని చూడండి నీలం, నలుపు ,ఎరుపు, తెలుపు వర్ణాలక్కిన వీడి దేవతామూర్తులను చూడండి వారి వెనుక పొందిగ్గా అల్లించిన ఆ హొయసాల శైలింబొలిన అల్లికల పల్లవులం చూడండి అని కదా వ్రాయాల్సింది, లక్షలకు అమ్ముడుబొయిన వీడి చిత్రరాజాల్ని చూడండి అనికదా బొబ్బరించాల్సింది, వీడి చిత్రకళా కీర్తి దేశ విదేశ దిగంతాలకు పాకింది చూడండి అనికదా కుళ్ళి కుళ్ళి కుళ్ళు వ్రాతలు వ్రాయల్సింది, అట్లా గాక ప్రముఖ చిత్రకారుడు పాండు రామంతపూర్ లొ గురువారం నాడు తనదైన సన్న చిరునవ్వుతొ, సన్నని బంగారు వేల్లను గుండెలకానించి నిద్దర్లొనే మరణించారు అనే అన్యాయపు రాతలా వ్రాయడం!!

అనగనగనగా మోహన్స్ స్కూల్ ఆఫ్ థాట్స్ అనే గదుండేది, లొపలికెల్తే లేత బూడిదరంగు గొడల మధ్య ముదురు బూడిద రంగు కుర్చీ బల్లల మధ్య కొంతమంది ముదురు మనుష్యులు_ వాళ్ళళ్ళో   వీర ముదురు పాండు , ముదురు ఎక్కడ అంటే బ్రతకడంలొ కాదు బ్రతకలేక పొవడంలొ,కళొ కళొ అని వెర్రి కేకలు పెట్టడంలొ, మా వాష్ టెక్నిక్ హనుమంతరావనొ, జార్జ్ సూరట్నొ, దేవి ప్రసాద్ రాయి చౌదరనొ, మానేట్నొ, అశిష్ కుమార్ హల్దార్నొ తన మాటల్లొ లాక్కొచ్చి లెక్చర్ల మీద లెక్చర్ల్ పీకడంలొ, అ మీదట మాట మాటకి మధ్య అన్నమయ్యని, త్యాగరాజుని, పొతన, తిక్కన, శ్రీనాధ ఇత్యాదుల రచనలని మిక్స్ చేస్తూ.అదీ మామూలుగంగి గొవు బిడ్డల్లంటి మాలాటి దూడలతొనే కాదూ కళని కబుర్లని అమాంతం అరిగించుకుని కరిగించుకున్న మొహన్ గారి ముందు మఠం వేసుక్కూచూని, చొక్కా చేతులు పైకి లాక్కూని, సిగరెటు దమ్ము బిగించి వదిలి " ఇదిగొ మొహన్ గారు అసలు ఆర్ట్ అంటే తెలుసా మీకు అని మొదలెట్టేవాడు.

ఆ రొజుల్లొ నీలొఫర్ హస్పిటల్ సర్కిల్లొని ఇరాని చాయి షాపుల టేబుల్లన్ని పాడూ స్కెచ్ బుక్కులే , గ్రానెట్ రాయి కాన్వాస్ పై పెన్సిల్ గ్రాఫెట్ గీతలు వజ్రపుదారులేసేవి. పెన్సిల్ మరిచిన రొజు గ్లాస్ లొని మురికి నీళ్ళతొ మంచి బొమ్మలు రాల్చేవాడు. పాండు ఎంతటి హర్రర్ సినెమా అంటే సాటితోటి చిత్రకారులు బొమ్మలు గీసి గీయక పెన్సిల్ ముక్కలు అరగ్గొట్టడానికే నానా యాతన పడుతుంటే వీడు మాత్రం బొమ్మలు గీసీ గీసీ పెన్సిల్ తొ బాటు చూపుదువేలు కూడా అరగదీశాడు. తుపాకి పుచ్చుకుని ఖైదీల ముందుప్రదర్శించే నాజి సొల్జర్ తుపాకి మాదిరి ఆ వేలు మా ముందు చూపించుకు తిరిగేవాడు " ఇంతలా వేళ్ళరిగినా బొమ్మలబ్బట్లేదు, ఏం అరగకుందానే మీకెట్లా అబ్బుతాయిరా కుంకల్లారా" అని హూంకరించేవాడు. మేము మా అరగని వేలు పాండూ వైపు వాడి అరిగిన వేలు వైపు ఈర్షగా.

పాండూకు తలతిక్క , నాదీ తలతిక్కే " మహాను భావునుడైన నాకు, బొమ్మలొచ్చిన నాకు, పద్య సాహిత్యాన్ని పర పర పలికే నాకు, వినుకొండ హనుమతరావుగారి శిష్యుడైన నాకు , నా అంతటి నేనైన నాకు అహంకారం ఒక అలంకారం , పొట్ట కొస్తే పిట్ట బొమ్మ రాదు నీకు అహంకారమేనా ? ఎందుకు బే ? అనేవాడు , "రాయల సీమ కారం తిని బే అని సమాధానం ఇచ్చే వాన్ని", ఇంతొటి తలపొగురు వున్నవాన్ని ఎవరూ మెచ్చనట్టే పాండూ నన్ను మెచ్చలేదు.

అయినా విధి బలీయమన్నట్టు బషీర్ బాగ్ సెంటర్లొ ఇరుగు పొరుగు పత్రికలు సుప్రభాతం , మాభూమి లొ ఒకే సమయంలొ కాపురాలు వెలగ బెట్టాం, నాది బొమ్మల్లొ నాటు కొట్టుడు.. చేతికొచ్చిన బొమ్మను చేతికందిన పేపర్ మీద్ వొలక బొయడమే నా ప్రగ్ణ, పాండు అట్లా కాదు పద్దతిగా బొమ్మలు నేర్చిన వాడు , జె ఎన్ టీ యు గదుల్లొ పెయింటింగ్ చేసినవాడు , ప్రిస్టన్ బ్లెయిర్ ఇత్యాదుల అనిమేషన్ పాఠాలు పట్టి ఆనిమేషన్ చేసిన వాడు, పెయింటింగ్ కాని పాకెట్ కార్టూన్ కాని పూజ చేసినంత శాస్త్రొక్తంగా పని కానిచ్చేవాడు , వూదుబత్తి వెలిగించినంత భక్తిగా సిగరెట్టు ముట్టిచ్చి కుంచె అంచు కాల్చేవాడు, కీలెరిగి వాతెడితేనే బ్రషు పలుకుద్ది గురూ అనే వాడు " మరి నాకు సిగరెట్టు అలవాటు లేదుగా నేను దేంతొకాల్చాలి?" అనడుగుతే నాకేసి అసియ్యంగా చూస్తూ " వాత పెట్టాల్సింది నీ బ్రష్ కు కాదు రా నీకు" అనేవాడు, పొస్టర్ కలర్స్ తొ అద్భుతాలు అద్ది ఇలస్త్రెషన్లు , పుస్తకాల కవర్లు గీశాడు, ముందుగా పేపర్ ని నీళ్ళల్లొ నాన పెట్టి ఆ పై ఎండ పెట్టి, నేల పై పరుండ పెట్టి , డ్రాయింగ్ బోర్దు పై వొత్త బెట్టి , దాని పై టేపు అతకభెట్టి నంత పనిచేసి కళా ఖండాలు లాగేవాడు.

వీడికి బ్రతుకు సీరియస్ కాదు, రొజు గడవడ మన్నది సీరియస్ కాదు, కంచం సీరియస్ కాదు, మంచం మాత్రం మస్ట్ అనేవాడు, గొలుసు కట్టు సిగరెట్టు మాత్రం కూడా మస్టేనని నాకనిపించేది ..... ఉద్యొగాలు చేశాడు గాని అవి బొత్తిగా సీరియస్ కావు, కంగాళీ పడి కష్టం పడి వచ్చిన ఉద్యొగాల్ని ఎడంకాలితొ జరిపి ఈజీగా వొదిలేసేవాడు ,ఎడిట్రుగారు కాని,షాపు వొనరు గారు కాని , చీప్గాని, సబ్బు గాని ఎవ్వొరుని లెక్క వుందేది కాదు "మనది సమ్యక్ ద్రుష్టి గురు" అని వంకర నవ్వేవాడు.

చివరిగా ఆఖరిగా ఇద్దరం కలిసి అంధ్ర ప్రభలొ చేరాం, బొమ్మలేశాం, 15000 ల రూపాయల నొట్ల బొత్తి వొడిసి పట్టి ఆర్టు డైరెట్రు శ్రీరాం ని కూడా వెంట బెట్టి హైద్రాబాదు ఆర్టు షాపుల మీద అటాక్ చేశాం ఆక్రిలిక్కులు , ఆర్ట్ పేపర్లు , చార్కోళ్ళు చాటడెంత పేలెట్లు, బ్రషులు, పెన్సిల్లు రంగులు...... ఆపీసు నిండా మా హంగులు.. పట్టుమని పది రొజులు కూడా లేడు మళ్ళీ ఉద్యొగం మానేశాడు ఈసారి నా మీది కొపంతొ. ఇక జన్మలొ ఉద్యొగం చేయనన్నాడు, ఈ ఆర్టిస్టు నా పుత్రులతొ స్నేహం వద్దే వద్దన్నాడు, ఈసారి పెయింటింగ్ చేయి పట్టుకున్నాడు దీన్నిక వొదిలేది లేదని అందరికి అర్ధమయినంత గట్టిగా. ఇదంతా 2004 లొ ఆ తరువాత సంవత్సరానికి వొకటీ రెండుసార్లు ఎక్కడొతగిలేవాడు, పెద్దగా తగలనిచ్చే వాడుకాదు, అయినా న్యూస్ తెలిసేది " పాండు బొమ్మ గీస్తే లక్ష, గీస్తానని మాట ఇచ్చినా లక్షేనని. వొ మధ్యలొ చిక్కడపల్లి లొ కనబడ్దాడు , కొత్తగా కొన్న బ్రష్ పెన్ చూపించా , నా స్కెచ్ బుక్లొ ఎప్పట్లాగే తన దైన వూపులొ బొమ్మ గీశాడు ,దాని కింద ఎప్పట్లాగే సంతకం మాత్రం పెట్లా. ఇప్పుడు మన సంతకం విలువ లాక్స్ గురూ అంటూ చిద్విలాసంగ దమ్ములాగాడు

బేళూరు హళేబీడ్ తిరిగొచ్చిన మత్తులొ ఒసారి పొన్ చేసాడు పొన్ నిండా కన్నీల్లే, "ఏం వర్క్ గురూ ఏం వర్క్ గురూ" అని గంట దాటింది , పొన్ వేడెక్కి చెవి చుర్రు మనేదాకా వదలడే "ఏం వర్క్ గురూ ఏం వర్క్ గురూ" అంటూ.
చివరిసారిగా గత డిసెంబర్లొ కలిశా కార్టూనిస్ట్ జయదేవ్ గారి సభలొ , మూడేళ్ల కొడుకుని దర్జాగా భుజాల పై మోస్తూ తెచ్చాడు అచ్చం తను గీసిన గరుడవాహన పెయింటింగ్ మాదిరి , నన్ను చూడగానే "ఆరేయ్ నిన్ను కత్తితొ నరకాల్రా అన్నాడు , పొన్లే పాపం పెద్దాడు కదాని నేను నొరు మూసుకొవచ్చుకదా ఊహూ " నువ్వు కత్తి తీయక ముందే సత్తూర్ తొ నిన్ను ఖైమా కింద కొట్టేస్తా" అన్నా " థూ నీతొ మాట్లాడకూడదు గురూ అంటూ దూరం వెల్లిపొయాడు, నేనూ 'విషింగ్ ది సేం అనుకొని వుంటా' కాని వీడి చివరి మాట , చివరి పద్యం, ఒక కన్ను చిన్నిగా చేసి నవ్వే చివరి నవ్వు ఇవేమీ చివరివని ఎన్నడూ అనుకొలేదు, అప్పుడప్పుడూ పాండుని పాపి అని తిట్టేవాడిని 44 ఏండ్లకే పొయినవాణ్ణి పాపిని ఎట్లా అవుతా గురూ అంటున్నాడు పాండు.

పాండు బొమ్మల కోసం ఇక్కడ క్లిక్ చేయండి.
మా మరొ జతగాడు మృత్యుంజయుడు పంచిన పాండు జ్ఞాపకాలు కోసం ఇక్కడ..

మేమెందుకు వూరుకుంటాం

2010-03-24T11:54:00.003+05:30

చచ్చి చెడి రేపటి కార్టూన్ కొసమొ, మరుసటి వారం కామిక్ స్త్రిప్ కొసమొ ఒక అవుడియా అనుకుంటామా, దాన్ని బొమ్మలొ వేస్తామా... ఇక తరు వాత వుంటుంది అసలు కథ, నొప్పివక తానొవ్వక తరహాలొ కూడదు,,, తానొచ్చినా పర్వా లేదు ఎదుటి వాళ్ళు అస్సలు నొచ్చేట్టు వుండరాదు . సున్నితమైన హాస్యం బహు మంచిదే కాని ఎట్లా సాధ్యం?? వీలైనంత నాజూగ్గా ఎవరొకరి వెనుక నిలబడి వారి తరుపున నవ్వు పండించే ప్రయత్నం చేస్తుటాం చాలాసార్లు ఆస్యంగ అపహస్యం పాలవుతుంటాం...
ఎవరిమీద వేస్తే ఎవరికేం కొపం వస్తుందొ ? ముఖ్యం గా పేజి ఇంచార్జుల బాధ చెప్పనలవి కాదు , ఈ బొమ్మ వద్దంటే మెమెక్కడ నొచ్చుకుంటామొనని ఒక బాధ, తీరా అచ్చై వచ్చినాక సదరు పాఠకుడి నించి బూతులు మరిన్ని బూతులు... పాపం వారి ఉసురు మనకెందుకనుకుని మాక్జిమం మర్యాద గొలిపే తొవలొనే వెళ్ళడానికి ప్రయత్నాలు .... అయినా ఈ రొజుతొ రేపటి తొ తీరేదికాదుగా సంవత్సరానికి 365 రొజుల చావు, ఎంత ఖర్మ చేసుకొకబొతే ఈ జన్మ లొ కార్టూనిస్టు అవతారం ఎత్తుకుని పుడతాం?
ఒక ఐడియా అనుకున్నప్పుడు బాగానే వుందనిపించింది , తీరా పూర్తయ్యాకా నాకే కాస్త బూతనిపించింది, సదరు పేజీ వాళ్ళు వద్దు మాహా ప్రభొ విన్నపాలు వినవలే ప్లీజ్ అంటూ (సదరు కళాకండకండం ఇచ్చట చూడవచ్చు)
ఇన్ని అనుభవల ద్రుష్ట్యా బొమ్మ వేసే ముందు ఒక సారి మా ఆవిడతొ చర్చించి , మా పిల్లవాడితొ పంచుకుని ప్రేక్షకులు వొప్పిన కార్టూన్లువేయడానికి తయారవుతాను. నిన్న మా ఆవిడతొ మాట్లాద్తూ ఈ లొకల్ కార్టూన్లు వేసి ఎక్కడచస్తాం గాని ఎటువంటి గొడవ రాకుండా సూపర్ మాన్ , స్పైడర్ మాన్ , బాట్ మాన్ ల మీద కొన్ని అనుకున్నానబ్బా అని ఐడియాలు చేప్పా, పాపం ఆ ధర్మ పత్ని బానే వున్నయి గొడవేం వుండదులే అన్నది, అంతా వింటున్న నా కొడుక్కి కోపం వచ్చి " ఆ!! మా సూపర్ మాన్ , బాట్ మాన్ మీద వేస్తే మా పిల్లమెందుకు వూరుకుంటాం ? మేమూ గొడవ చెస్తాం " అన్నాడు ఉగ్రంగా .

స్వామి ఎంత ఖర్మ చేసుకొకబొతే ఈ జన్మ లొ కార్టూనిస్టు అవతారం ఎత్తుకుని పుడతాం?

నువ్వా - నేనా? హేరీ పాటరా - చందమామా? మీతాతా -మా జేజినాయనా?

2010-02-18T10:29:00.005+05:30

ఇవాళ శ్రీ సాయి బ్రహ్మానందం గొర్తి గారి బ్లాగ్ లొ హేరీ పాటర్ ఎక్కడ? మనం ఎక్కడ? అనే వ్యాసాన్ని చదివి ఊరుకొలేక ఉరి వేసుకున్న విధమిది...

కొన్ని విషయాలని ముని వేళ్ళతొ ముట్టుకున్న మనిషినంతా దగ్దం చేయడానికి సిద్దంగా వుంటాయి కొన్ని బేరాలు,
ప్రపంచమంతా ఆదరించిన, ఆదరిస్తున్న ఒక రచనను మనకుతీరుబడి వుంటే చదువుదాం, అది మనల్ని ఆనంద పెడితే సంతొషం, లేపొతే లేదు, అభివ్రుద్ది చెందిన దేశాలైన అమెరికన్ , యురొపియన్ మార్లెట్ లొ ఇటువంటి సాహిత్యానికి, కళలకు ..... సవాలక్ష విషయాలకు సమయం వుంది, వెచ్చించడానికి డబ్బూ వుందీ, క్వాలిటీ వర్క్ మీద ప్రేమ వుందీ.
మా రౌలింగ్ గొప్పా, మీ దాసరి గొప్పా అని ఎన్నడూ ఆలొచించని వారికి లేని బాధ ఇక్కడివారికెందుకొ అస్సలు అర్ధంకాదు.. భూమి చాలా పెద్దదికదా! ఖండం దాటి పొవదం ఎందుకు గాని మన పొరుగు రాష్త్రాల్లొ , పొరుగు భాషల్లొ, లిపులు లేని మన స్వంత గడ్డమీది మనకు పరిచయం లేని మన వాళ్ళ మౌఖిక మైన మహత్తర కథలుఎన్ని వున్నాయొ , అవి వేటికి సమానమొ, వేటికన్న మహా ఎక్కువొ మనకు తేలుసునా??
ఒకరిని తక్కువ చేయడం ద్వారా అయ్యే ఎక్కువ మనకెందుకు??? పది రొజులకిందట మౌనంగా వెళ్ళిపొయిన దాసరి గారు చెప్పింది ఇదే కదా , అయన మక్కువ చెందొ, మనసుపడొ, ఉద్యొగధర్మం కిందొ , వేలమంది ఆత్మల కింపుగా రచనలు చేసినారు, అరవైయేల్ల ఖజానానుండి ఎట్టి పేరు ప్రఖ్యాతులను,సన్మానాలను ఆశించలేదు. ఆయనెవరొ శ్రీ వేణు గారి పుణ్యమాని ఆయన చివరి దశలొ దాసరి సుబ్రహ్మణ్యం గారి పేరు బయటకు వచ్చింది,
మనం ఎదైనా చేయ్య వలసినది వుందా అంటే ఇద్దరు రచయితల మధ్యనొ, వారి రచలన మధ్యనొ మల్ల యుద్దం పెట్టి ఉద్రేక పడిపొవడం కాదు, నీ చేతనవుతే ఆ వ్యక్తికి ఒక పలకరింపు, ఒక దండం, మీకు ఫలానా బొయెర్ పెన్నంటే మక్కువ అని తెలిసింది, వేయి రూపాయలు పెట్టి కొనడం మీకు కష్టం కావచ్చును , మీకది ఇవ్వదం నాకు ఇష్టం, మీ ఇద్దరి చేతుల మధ్య ఆ పెన్ను , దాని తాలూకూ స్పర్స ఆయనకు , ఆయన గుండె చెమ్మ మీకు ... అది ముఖ్యం , గొడ మీద మనకు జనమనిచ్చిన మన తల్లిదంద్రుల ఫొటొ ల మధ్య , తాతల ఫొటొల మధ్య, నేనూ ఆవిడా, పిల్లలు ఫొటొ ల మధ్య, నీకు ఒక చదువునిచ్చిన , ఒక సాహిత్యాన్ని చూపిన ఒక దాసరి వారొ, కొట్లాది రూపాయలని స్వాతంత్రానికై పొసి , మధ్యాన బొజనానికి గతిలేక నిస్సారం గా గడిపిన ఒక టంగుటూరి వారొ, బొమ్మల్ని అమ్ముకుని దర్జా గా బతక గలిగినా అమ్మడానికి అది బొమ్మకాదని జీవితమని నమ్మి దిక్కుమాలి చచ్చిన ఒక చిత్తప్రసాద్ వారినొ, మనిషి అంటే పని , పది మందికి ఉపయొగ పడేదె పని అని వాడే మనిషని అట్టి మనుషులకై ప్రాణాలర్పించిన డాక్టర్ బెతూన్లాంటి మహా మనుషులకు గొడమీద స్థానం కల్పించండి, మీ పిల్లలు , వాళ్ళ పిల్లలూ, మీ ఇంటికొచ్చే మీ భంధువులు ,మిత్రులకు ....... గొడమీది ఫొటొ ఎవరిదీ అని అడిగే ప్రతి ఒక్కరికి వారి గురించి చెప్పండి, శక్తి వుంటే వారిని గూర్చిన పుస్తకాలు బహుమతులుగా ఇద్దాం.
చర్చలు వద్దు స్వామి!! చేతలు, ఒక బాపునొ, ఒక చందమామ శంకరొ, మారియొ మిరండానొ, నండూరి రామ్మొహన రావొ, కనక సూరి బాబొ ... ఎవరైతే వారు మీకేవరిష్టముంటే వారు , వెళ్ళండి ,కలవండి దండం పెట్టుకోండి చాన్స్ మళ్ళీ రాదు గాట్టిగ కావిలించుకోండి, మీ స్రుజన గొప్పది , మీరంటే మాకిష్టం, మిమ్మల్ని గురించి ఆలొచించే మీ అనుకునే వాల్లు కాక మేముకూడా వున్నాం అని సంతొషపెట్టండి.
సంవత్సరం కింద మా పతంజలి ప్రభువు భూమ్మీదే వున్నారు, ఆయనున్నాల్లు ఆయన్ని ప్రేమించీ కూడా కలవలేక పొయి దుఖ పడతున్న వాళ్ళని నేనుచూస్తున్నాను. ఆ జాబితాలొ మనం వద్దు , బ్రతుకు ఇట్టాగే ముండబారి పొయి వుంటుంది, రేపు సుఖంగా ఏమి వుండదు. జేబులొ చిల్లరుందా ? చలొడిల్లి! మిలొ జయ చంద్రన్ !

నామిని కొట్టిన దెబ్బ

2010-01-25T10:33:00.003+05:30

తిమురుబట్టిన నామిని కత

2009-12-28T11:57:00.004+05:30

ఈల వేసి గొలచెసేంత , అభిమాన కతా నాయకుడి బొమ్మ స్క్రీన్ మీద కనబడగానే నొటి మీద లబ లబ కొట్టుకునేంత ,,,ఎన్నాళ్ళకెన్నాళ్ళకి మొదటి సారి అచ్చమైన నామిని ని చూయించిన మొగొడు 'ఉమా' ని గాడంగా కావిలించుకుంటూ,

ఎర్ర పొస్టర్ కు అరవై ఏళ్ళు.

2009-12-19T20:01:00.001+05:30

అనగనగా ఒకడు, నలుగురిలొ ఒకడుగా వుండక ఒఖడై ఇంత నిప్పుని , ఇంతింత ఎరుపుని మరింత చదువుని ఇంకెంతొ అరాచకాన్ని ఆకళింపు చేసుకుంటే మోహన్ అయ్యాడు.
గీతల కేరింతల సన్నటి కవిత్వపు సొగసులు, పిడికిళ్ళు బిగించిన బండ రేఖలు, ఎడా పెడా ఫెడీ ఫెడీ విసిరిన అక్షరాలు, గచ్చకాయ చురుకుల రాజకీయ కార్టూన్లు , సరాసరి శిఖరాలావతలికి లాక్కుపొయే కథల బొమ్మలు, లైన్ ఆఫ్ ఎకనమి కారికేచర్లు, ఎప్పుదొ అప్పుడు బర బర మనిపించే పొర్ట్రైట్ లు అన్నిటికీ మించి అచ్చమైన తెలుగు వచనానికి ఆనవాల్లు మోహన్ రాతలు , మోహన్కే సాధ్యమైన మొహన్ రాతలవి. అట్టి మోహన్ కి 60 ఏళ్ళట ఇదంత అందుకొసమట అనడం చిన్న సాకు, మోహన్ ని ఇలా తలుచుకొవడం పెద్ద పండుగ.

ఒక రహస్యము

2009-12-15T09:28:00.002+05:30

చిత్రకారులలొ విచిత్రకారులువేరన్నట్టూ, భారద్దేశంలోని చిత్రకారులంతా ఒకెత్తు , తెలుగు చిత్రకారులు మహా ఎత్తు. ఇక్కడి చిత్రకారులు గీతల్లొ చూయించిన వ్యైవిధ్యము ,రంగుల్లొచేసిన విశిష్టము, బొమ్మల కూర్పులొ తెచ్చిన మార్పు, ఇంకెక్కడా దొరకవన్నవి రూపయిలొ నూరుపైసలంత హామి, ఇంత చేసి ఇదంత తూర్పున సూర్యుడు వుదయించినంత హాయిగా జరిగి పొలేదు.
సాధారణంగా ఏ చిత్రకారుడైనా జీవితమంతా ఒకే రేఖకు, ఒకే శైలి కి కట్టుబడి వుంటాడు, వుండాలి అనేది సూత్రము. సూత్రాల్ని సరిహద్దుల్ని జాంతానై , జమానై అంటూ కథకు-కార్టూన్ కు, కవిత్వానికి-కారికేచర్ కు, పొర్ట్రైట్ కు-ఫన్ టూన్ కు వివిధ సొగసులు చూపగలిగిన ఒకే ఒక్కడు బాపు . బాపు గీసిన రేఖ అచ్చు కాగితాలమీంచి జారి సరాసరి కొందరు చిత్రకారుల నుదుటి రేఖగా మారి మరి కోందరు ఒకే ఒక్కడులను తయారు చేసింది.
ఇదంతా తెలుగు ప్రజలకు ఎప్పటికీ తెలియని అద్రుష్టము , రహస్యము , ఈ రొజు బాపు జన్మదినొత్సవము.భగవంతుని దయవలన నాలాటి పనికిమాలిన ఆర్టిస్ట్ ల కొదవ దేశానికి లేదు, నా ఆయుస్షు కూడా పొసుకుని మా తండ్రి కలకాలం ఆనందం గా ఆరొగ్యం గా ఉండేలా దయచూడమని శ్రీ రామ చంద్ర తండ్రికి దణ్ణం పెట్టుకుంటూ.

నిత్య జీవితం లొ కొన్ని సత్యాలు.

2009-12-07T11:09:00.001+05:30

పగలబడి నవ్వారు, విరగబడి నవ్వారు, అంతేలే మగవారి బ్రతుకులు కన్నీళ్ళునిండిన ఆంబొతుల కన్నులు తమ్ముడూ అంటూ కవిత్వం చదివారు, ప్రతివారం ఇలాంటి సత్యాల్ని దంచివెదజెల్లాలన్నారు, ఆదివారం లాంటి ఆలొచన పెట్టుకొకుండా దీక్ష పట్టుదలలతొ కొన్ని పనులు పూర్తి చేసి వొ ఐదారు వేలు కళ్ళ చూద్దామనుకున్నా, సెల్ నెంబర్ తెలిసిన శత్రువులు జీవితాన్ని ఖంగాలి కింద కొట్టేసారు.

మేరా సినిమా మహాన్

2009-12-04T11:15:00.011+05:30

నా కిష్టమైన సినిమాల మీద full-pledge గా వ్రాద్దామని ఎప్పట్నుంచొ కొరిక , బద్దకం.
రొజుకొ వంద స్కెచ్ లు, వొక పుస్తకమ్ , రాత్రికొ సినిమా లాంటి స్కీం లొ జీవితం, ఆరొగ్యం ఎమవుతాయొ అదే అవుతున్న టైం లొ computer మూలకేసింది. అనగా సినిమా హాలు మూత పడింది.

నిన్న రాత్రి తాలూకూ అర్ధరాత్రి హాదిమణి గారి పొన్ ( The Week magazine fame, భారద్దేశం లొ ప్రస్తుతమ్ వున్నఅత్యత్భుత ఐదు మంది పత్రికా చిత్రకారుల్లొ వొకరు) "అర్ధరాత్రి పొన్చేశా కదా అయ్యామ్ సారి అన్వర్ అనేం అనబొవడంలేదు , ఎందుకంటె, you are my friend , I have the right to disturb you in any time, any where ! అని " yes sir you should, and I felt very happy to got this wonderful disturbanceఅన్నా మురిపెంగా.
కట్ చెస్తే నిద్ర చచ్చింది.
మెలకువగా వున్న తలకాయి నొప్పితొ పుస్తకాల వరుస మధ్య తిరుగొతుంటే దొరికిందొ చిన్న నొటు బుక్కు, నేనూ నాసినిమాలు అని , చిన్న చిన్న గ్నాపకాలు:

The sadest thing in life is wasted talent, if don't do the right thing with talent, nothing happens - A bronx tale నించి, రాబర్ట్ డినిరొ ని Jake LaMotta గా ఇష్ట పడుతూ మొదలయ్యింది డినిరొ మీద ప్రేమ, బ్రాంక్స్ టేల్ తనే దర్శకత్వం వహించిన సినిమా, నాకిష్టం, ఇందులొదే నాకు నచ్చిన ఇంకొ dialogue " He don't care about you , so why should care about him? nobody cares.

Art is such ugly man అంటాడు ఒక దొంగ మరొ దొంగతొ ఇద్దరూ కలిసి కొట్టెసిన శిల్పాన్ని చూస్తూ, "Yeah! that is hou much you know, The uglier the art , the more it's worth . అంటాడు కళా గ్నాని మరొ దొంగ. ఇదంతా మార్టిన్ స్కార్సెస్ After Hours సినిమా లొ ని వొ చిన్న సీను, ఈ సినిమా టాగ్ లైనె అదురుతుంది, మార్టిన్ స్కార్సెస్ కామెడి కూడా తియ్యగలడ్రా కుయ్యా! అని. ఒక్క సెకన్డ్ బొరు కొట్టిస్తాడెమొనని భయం వెసినా అరసెకండ్ కూదా టెంపొ సడలకుండా చూపించిన సినిమా, ఎప్పట్లాగె జై స్కార్సెస్.

తకిషి కిటానొ, ఉపెంద్ర గారు పరిచయం చెసిన నటుడు, దర్శకుడు, Hana -bi చూశాను, కితానో plays himself as hero, ఆగలెక మిగతావి కూడా చూసా వయొలెట్ కాప్, బ్రదర్......వీడెవుడ్రా నాయ్ నా!!!

Sam peckin pah పెరొక్కటి చాలదు - మెజర్ డూండి సినిమా చూసా ఈవాళ, మహా సంగ్రామం, హెస్టన్ ని ఇది వరకెప్పుడయినా చూశానా?? ఆ జర్మన్ అమ్మయి roll వెసినావిడ ! gorgeous, Senta Berger అట, IMDB వాడిని కనుక్కుంటె ఆ అమ్మాయి పొటొ పెట్ట లెదు కాని ఆవిడ measurement మాత్రం ఇచ్చాడు, Richard Harris నటన కూడా బావుంది.

నా Favorite అనుకొదగ్గ సినిమా మరొ సినిమా చూశానివాళ, In cold blood - చిత్ర రాజము. Richard brook దర్శకుడు .Technical విషయాలు నాకు తెలీవు కబట్టి ఇది టెక్నికల్ గా ఏంటొ తెలియదు, సినిమా మొదట్నుండి చాలా అద్భుతం గా సాగిస్తాడు, Clutters family హత్యల్ని చివర్లొ jump చెసా personal feel వల్ల. రాబర్ట్ బ్లెక్, స్కాట్ విలియమ్స్ ల నటన గురించి చెప్ప తరమ్ కాదు
they are superb,భవిష్యత్తులొ వీళ్ళ సినిమాలు మరిన్ని చూడ వచ్చు, ష్రెర్రి గురించి వాళ్ళ నాయన మాట్లాడుతున్నప్పుడు ,తండ్రి గురించి ష్రెర్రి చెబుతున్నప్పుడు వ్వాహ్ నటన అంటె ఇది కద , ఎప్పటికైనా మరిచి పొగలనా?

Kitano మరొ సినిమా Boiling Point, పెద్దగా నచ్చలెదు.

రాత్రి చూసిన John ford's How green was my valley చూసా పాత తెలుగు క్లాసిక్స్ గుర్తుకొచ్చాయి,బావుంది కాని నాకు Grapes of wrath మహా బావుంటుంది.

London to Brighton ఇంగ్లీష్ సినిమా బావుంది

Shamshank redemption ,బ్రహండమైన సినిమా,Tim robbins,Morgn freeman , ఇంకా పేరు తెలియని వొకరిద్దరు, hats off.

This is England- ప్రస్తుతానికైతె నచ్చలెదు, racism మీద తీసిన film , కలెక్షన్ లొ వుంచుకొ దలుచుకొ లెదు.

వొక్క రొజు మూడు సినిమాలు, వొజు There was a ఫాదర్ , ఇంకా boxcar Bertha, my daughter my Angel, ఎదురుచూసినంత టయం పట్టలా దెబ్బకు డిలిట్ చేసి పడెసా రెండు సినిమాల్ని.

ఇవి కాకుండా వ్రాయని సినిమాలెన్నొ అన్నీ కాక పొయినా, నా కిష్టమైన , Requiem for a dream, johnny got his gun, nights of cabiria , letters from iwo jima , Grapes of wrath, cool hand luke, ,Junior borner, Billy elliot, The cincinati kid , Get awy, Bring Me the Head of Alfredo Garcia, Razing bull, City of god, City of men , Cherry babay, 4 months 3 weeks, Fay zero, Yhe counterfeiters ,Good bye Lenin, The tresure of siera mandre, Los olivdos, Sorcerer, Armor perrors, 21 grams, Following,........ఎన్నొ ఎన్నొన్నొ వ్రాయక పొతానా? వ్రాస్తానా???,

హెలొ !! అయాం నారాయణ స్వామి ఫ్రం అమెరికా

2009-12-01T13:43:00.005+05:30

తొలిసారి నా బ్లాగులొ కామెంటిన మొదటి రెండు కామెంట్లలొ ఒకటి నారాయణ స్వామి గారిది లేదా కొత్తపాళి గారిది, తర్వత్తర్వాత దాదాపుగా నా ప్రతి పొస్ట్ మీదా ఆయన స్పందన తెలుస్తూనే వుండేది, నా ఫ్లికర్ లొని బొమ్మలు చూసి ఆయన చాలా ముచ్చట పడినట్టు ఆయన పంపిన ఒక లేఖలొ తెలిపారు, వొ మధ్యలొ నేను వ్రాసిన ఒక పొస్ట్ చదివి ఆవేశ పడిపొయి శభాషని మెచ్చేసుకుని " నేనంటూ పుస్తకం వేస్తే , నాదంటూ పుస్తకం వస్తే, మీరే బొమ్మలు వెయ్యాలి అని బెదిరింపు కూడా కామెంటారు, ఇట్టాంటి బెదిరింపులెన్నొ చూసిన ప్రాణానికి లెఖ్ఖ జమా జడుపు అవలేదు. వొ వారం పదిరొజుల తరువాత పిల్ల పెసర వుత్పత్తిలొ పచ్చ తెగులుపాత్ర పై తులనాత్మక పరిశీలన లాంటి విచిత్రమైన నెంబర్తొ నాకు పొనొచ్చింది , అది డెట్రాయిట్ నంబరని , మాట్లాడేది నారాయణ స్వామిగారని మాట్లాడారు, ఆయన తన కథల్తొ పుస్తకం తెద్దామనుకుంటున్నారని నాచేతే బొమ్మలు వేయించుకుంటుందామనుకుంటున్నానని వొట్టి బెదిరింపు కాదని కూడా అన్నారు.
మొత్తం 21 కథలు ఆరు గల్పికలతొ సహా , కథలు మెయిల్ లొ చేరక మునుపే అదేదొ సూపర్ సానికొ, కాంకార్డొ ఆ పద్దతిలొ అడ్వాన్స్ కూడా పంపారు. దేముడికి, నారాయణ స్వామిగారికి దండం పెట్టుకుని ( కేరళ ని గాడ్స్ వొన్ కంట్రి అంటారు గాని వొట్టిదే ఆయనది అమెరికా అని అందులొ డెట్రాయిట్ అని అర్ధం అయ్యింది) నామనసుకు నచ్చినట్టు బొమ్మలు వేసుకుంటూ వెల్లాను, 21 బొమ్మల్లొ 17 నాకెంతొ త్రుప్తినిచ్చాయి, నాచేత బొమ్మలు వేయించినందుకు పైగా డబ్బులు కూడా ఇచ్చి, ఆయనకు థేంక్స్.
ఆయనిలాగే 10 కాలాల పాటు కథలు వ్రాయాలని, నాతొనే బొమ్మలు వేయించుకొవాలని దేవున్ని కొరుకుంటూ , అన్నట్టూ రెండొ పుస్తకం ఎప్పుదు తెస్తున్నారండి నారాయణ స్వామిగారు?

గ్లాచ్చు మీచ్చూ

2009-11-23T10:38:00.008+05:30

పదేళ్ళ క్రితం జయదేవ్ గారితొ మొదలైన పరిచయం, ఆయన హైద్రాబాద్ లొ గడిపిన తరువాతి ఐదు సంవత్సరాలు ఆయనతొ సాన్హిత్యాన్ని పెంచాయి, ఉద్యోగం పేరు చెప్పి మొదట నన్ను దగ్గరకు తీసుకున్నారు, తర్వాత్తర్వాత మనసుకు దగ్గరకు తీసుకున్నారు, వేషం లోనూ భాషలోనూ ప్రవర్తనలొనూ అయనా చాలా సింపుల్, మానవ ప్రేమి, నరుడు నరుడౌట దుష్కరమ్ము అన్న గాలీబ్ ని చూసి చిరునవ్వారు.
నాతరం చిత్రకారుల్లొ నేను కాక ఆయనకు దగ్గరైన వాల్లెవరూ లెక పొవడం నా అద్రుష్టం , అందుకే బాపూ, బాలి, చంద్ర ,మొహన్ గారిలాంటి మహా చిత్రకారులతొ స్నేహం వున్నప్పటికీ , ఆయన 70 ఏళ్ళ అనుభవాలకునన్నుముఖచిత్రం గీయమన్నారూ. ఆయనతొ వున్న ఐదు సంవత్సరాల సాన్హిత్యమ్ వల్ల ఆయనను బాగా తెలుసనుకున్నాను , ఈ పుస్తకం చదివాక అలా అనుకున్నందుకు సిగ్గు చెందాను , అది మనకు మామూలె అన్నది వేరే విషయం.
భగవంతుని దయవలన, చెళ్ళ పిళ్ళ వారి కథలూ గాధలు దగ్గర్నుంచి రాంభట్లవారి సొంత కథ దాక చదివా, ముళ్ళ పూడి దేవుడ్రావు గారి కొతికొమ్మచ్చి చదువుకుంటున్నా, ఇప్పుడు జయదేవ్ గారి గ్లాచ్చు మీచ్చూ , అచ్చూ అదే. ఎప్పట్లాగే కొందరే మహానుభావులు మా జయదేవ్ గారిలా.

ప్రతులకు

విఎన్నార్ బుక్ వరల్డ్
చౌడెపల్లి - 517257
చిత్తూరు జిల్లా
పొన్-044-25551269

కార్టూన్ కబుర్లు చెప్పని కబుర్లు

2009-11-10T16:07:00.002+05:30

దీపావళి శుభాకాంక్షలతొ ఒక క్రిష్ణుడు

2009-10-16T10:17:00.000+05:30

చిత్రకళ మరియు విమర్శ

2009-10-06T14:09:00.002+05:30

ఆకు అడ్డుకోత, మూత్రపిండాల నిలువుకోత పటాల్ని పెయింటింగులు మలిచి సూపర్ హిట్ కొట్టిన చిత్రకారులకు అంకితం.

జర్నలిస్టులు -కళా హ్రుదయము

2009-10-02T16:24:00.003+05:30

వార్తలొ చేరిన మూడొ లేదా ఏడొ రొజు ఒక పిల్లల పేజీని వండే డిపార్ట్మెంట్ వారు " అన్వర్ గారు ఆదివారం పుస్తకం లొ ఒక పిల్లల కథ పెట్ట బొతున్నాం, ఒక మంచి బాగా ఇదిగా అదిరిపొయే బొమ్మ వేయండి అనీ అనంగానే సంబరపడిపొయి కొత్త వుజ్జొగం లొ రంగుల బొమ్మ అని ఫీలయి పొయ్యి అక్రిలిక్ కలర్స్ అని కొత్తగా కొన్నాము కదా అయ్యెట్టి చెట్టును తెగ నరికాను , ఎప్పట్లాగే సీన్ కట్ చేస్తే ఆ అదివారం రొజున ఇంతొటి బొమ్మ మీ బొటన వేలి గొరును రెడుతొ భాగిస్తే వచ్చేంత సైజ్ లొ అచ్చయింది. షాక్!!!!
ఇదంతా ఒక పిల్లల పత్రిక పెట్టిన గురువుగారిముందు వాపొతే అరే బొమ్మ బ్రహ్మాండం గురూ మనం వాడేద్దామని ఆవిధంగా దానికి తగిన న్యాయం జరుగుతుందన్నారు , కాని కొన్ని రొజుల పిదప బొమ్మ పొయిందని చెప్పి నాకు తగిన శాస్త్రి జరుపబడినది , అనుకొకుండా బుర్ర లాంటిది పనిచేసి ఈమాత్రమైనా స్కానింగ్ చేసి పెట్టుకున్నా.

స్వామి ఝండూ బాం

2009-08-27T09:46:00.003+05:30

స్వామి ఝండూ బాం అనే కారెక్టర్ తొ కామేడీ ఆఫ్ ఎర్రర్స్ తరహా కథలు నడిపించాలని కొరిక , దేవుడు రవ్వంత రేఖను ఇచ్చాడు గాని బుర్రను ఇవ్వని కారణం గా ఆ విధంగా ముందుకు సాగలేక పొతున్నాం.

తప్పుటచ్చులు

2009-08-24T10:13:00.000+05:30

బ్లాగ్ మే సవాల్

2009-08-13T16:07:00.005+05:30

యూరప్ లొ ప్రతి సంవత్సరం 10 000 ల కొత్త కామిక్ లు అచ్చవుతాయట, మరి అమేరికా సంగతి చెప్పనక్కరలేదు పాతరాతి యుగం లొని కానన్ దగ్గరినుంచి మైఖెల్ మిగ్నొలా హెల్ బాయ్ వరకు, మధ్యలొ సూపర్ మాన్ లు, బాట్ మాన్ లు, స్పైడర్ మాన్ లూ పాంట్ మీద డ్రాయర్ తొడుక్కునే ప్రతిఒక్కడిని హీరొగా పెట్టి గీసారు గీస్తున్నారు, తీసారు తీస్తున్నారు . అవైతే అంతంత దేశాలు అనుకుందాం మరి ఇంతింత వున్న పిలిపైన్స్స్ కూదా నెత్తి మీద బ్రషులు మొలిచిన మహా కామిక్ ఆర్టిస్ట్లను ఉత్పత్తి చేసింది.
మరి ఈంత పెద్ద బారద్దేసం సంగతి ???? కాస్తొ గీస్తొ ఒక్క ప్రతాప్ ములిక్ తప్ప! క్రాస్ వర్డ్ , వాల్ డెన్ దగ్గర్నుంచి అబిడ్స్ ఆదివారం మార్కెట్ వరకు మన దేశం ప్రొడ్యుస్ చేసిన బొమ్మల కతలు ఏవి??
దేశం సంగతి మనకెందుకు గురూ తెలుగు రాష్ట్రం లొకి తొంగి చూసుకుంటే అప్పుదెప్పుడొ బాపుగారు గీసిన బంగారం సింగారం. గలీవర్ ట్రావెల్స్ ,రాజూ రైతూ, ఇవి కాక ఇంకొ పదమూడు, ఆతరువాత 10 ఏల్ల తరువాత జయదేవ్ గారి అబ్బాయి-బాబాయి, నేపాళం-భూఫాలం, వీటికి వొ మధ్యలొ బాలి గారి డిటేక్టివ్ యుగంధర్, దానికి కాస్త అటుగానొ ఇటుగానొ చందమామలొ మహా ప్రతిభావంతుదు పి ఎస్ బాబు గారు గీసిన విక్రముడి సాహసాలు ( పి ఎస్ బాబు గారు గారు తెలుగు వారు మరిచిపొయిన ఒక మహాద్భుత చిత్రకారుదు , ఒక సమయం లొ ఆంధ్ర జ్యొతి లొ ఆయన బొమ్మల కొసమే పత్రిక అమ్ముదు పొయిన రొజులున్నవట.) తరువాత, పిమ్మట, మేము ప్రేమ దేశం నుండి ముస్తఫా ముస్తఫా పాడుకునే రొజుల్లొ వచ్చింది కార్టూనిస్త్ రాజు గారి లింగా ది గ్రేట్, దానికి నేను వీర ఫ్యాన్ ని.
రామాయణ భారతాలు, పంచ తంత్రం కథలు, మహాధ్భుత జానపద గాధలు, పురాణాలు, పిట్ట కథలుఇటు చూస్తే రామ లింగడు వటు చూస్తే మర్యాద రామన్న, అరువు తేచ్చుకొ దగ్గ వేయినొక్క రాత్రులు అరువు తేచ్చుకొ నక్కరలేని కాశీ మజిలీ కథలు. ఎన్ని? ఎన్నేన్ని??
నా మట్టుకు ఇవన్ని ఒకేత్తు సూపర్ డూపర్ హిట్లు కొట్టిన పాతాళ భైరవి , గుళేబకావలి కథ, జగదేక వీరుని కథ, సువర్ణ సుందరి లాంటి సినిమాలని రంగు రంగుల బొమ్మల కథ ల రూపం లొచూస్తే!!
సాక్షి రావడానికి అరు నెలల ముందె నేను చేరి పొయాను మా గురువు పతంజలి గారికి నాతొ బొమ్మల కథలు చేయించి ముందు సీరియల్ గా వేసి తరువాత సాక్షి కామిక్స్ పేరుతొ తేవాలని ఇది గా వుండేది అందులొ మేమనుకున్నది ముందుగా భీముడితొ కామెడి ఆఫ్ ఎర్రర్స్ తరహాలొ కథలల్లాలని, దానికొసం అవుడియాలు వెతుక్కుంటూనే మధ్యలొ వీర సూర పేరి శాస్త్రి అనే వొ కథ రాత గీత మొదలేట్టా 10 వారాలకొసమని అంతా అయ్యాకా అది రాలా.
చేప్పొచ్చెదేమిటంటే ఇంత కథా సాగరాన్ని రహస్యంగా దాచుకుని మన పిల్ల చేతుల్లొ మాత్రం ఆస్త్రిక్స్, టిన్ టిన్, సూపర్ మాన్ ,మాండ్రేక్ లు!
బొమ్మలు వేయడానికి మేము రెడీ, మరి డబ్బున్న దమ్మున్న నిర్మాతలు రెడీయేనా?

మందు, పొగ, గుట్కా, జర్దా దరిద్రం నాశినం

2009-08-10T09:23:00.000+05:30

సుందరయ్య విగ్నాన కేంద్రం సభ పై వేదికనెక్కిన మహానుభావ మేథావుల దగ్గర్నుంచి నాంపల్లి స్టేషన్ బయట గిరాకీ కొసం ఎదురుచూసే రిక్షా పుల్లర్ గారి వరకు కామన్ కల్చర్ మందు, పొగ, గుట్కా, జర్దా దరిద్రం నాశినం . ఇదిలేక పొతే బతుకు బేకారే కదా. కాస్తొ కూస్తొ నాలాంటి మగ పెద్దమనిషికే ఇంత చిరాకుగా వుంటే , వాళ్ళను కట్టుకుని సేవలుచేసుకుంటున్న ఉత్తమ ఇల్లాల్ల పరిస్తితి?? వారి సరసాలకు, ఆ కంపునొళ్ళకు ఎన్ని సార్లు చస్తున్నారొ, చచ్చి, చచ్చినట్లు తెల్లవారుజామునే పనిపాటలకొసం మళ్ళీ బ్రతుకుతున్నారొ మహా తల్లులు , కాస్తొ కూస్తొ రిక్షా పుల్లన్న, ఆటొ ఖాసీం ల పెళ్ళాం, బీబి లే నయం ,
మరి మేధావుల భార్యల సంగతైతే వాళ్లకు ఈ ఫిజికల్ అనారొగ్యం తొ పాటూ మపాసా, కాఫ్కా, నీషె ,జేంస్ జాయిస్ యులేసిస్ లాంటి మానసిక అనారొగ్యాలు కూడా తెచ్చుకొవాలి.
ఆ తల్లుల కొసరం ఇది ఇలా.

పొలీస్ గారి కుక్క గారు

2009-07-27T10:21:00.000+05:30

కొందరే మహానుభావులు

2009-07-25T15:28:00.018+05:30

డాల్టన్ ట్రంబొ తెలియదా??మిమ్మల్ని ఏ కత్తితొ తరిగితే పాపం పొతుంది అంటూ మా గురువు గారు ముక్తవరం పార్థ సారధి గారు నా మీద కొప్పడడం అయనకొ ముచ్చట, నూనెపల్లె నుండి నేరుగా నగరానికి వచ్చిన నాకు సెర్జియొ ఐజెన్స్టైన్ దర్సకత్వం, జాన్ కేసవేట్స్ నటనా నైపుణ్యం, జీన్ మొరియొ జూల్స్ అండ్ జిం, మూడంటే మూడే షాట్ల మహా ఒజు , షొలహావ్ కథల్లొని నొప్పి తెలిసెంత సీన్ లేదని అయనకు తెలీక కాదు ముందే చెప్పినట్టు ఆయనకదొ ముచ్చట.
ఆయనంటే పెద్దవాడు అలా అన్నాడని అయన్ని మిమిక్ చేస్తూ మీకెవరికీ అల్బర్ట్ డొర్న్ తేలీదా? ఫెర్డినర్డొ టక్కొనిని ఎరుగరా? పొనీ కార్లోస్ గిమినెజ్ అయినా!!! కనీసం కర్నాటకలొ ని చంద్రనాథ్, తమిళ్నాడు మణియం సెల్వం, కేరళ నంబూద్రి లాంటి..... మి జన్మలొ మీరెరుగని, ఎరుగనక్కరలేని పేర్ల న్నీ చెప్పి మహా ఆర్టిస్ట్ వేషాలు వేయనక్కరలేదు. మామూలు జనానికే కాదు లొక కల్యాణానికై అవతరించిన కళాకారులనుకునెవాళ్ళకు , సారీ గాళ్ళకు కూడా పై పేర్లు తెలీదని మీరు తెలుసుకొవాలి. కలం వుంది కదా,కామన్ సెన్స్ లేదు కదా తరహా రాతలు వ్రాసె కబుర్ల కు నా ఈ గొసకు ఏమి సమ్మంధమూ లేదు . ఒక వేళ మీకలా అనిపించినా అది మీ భావనా చాతుర్యం మాత్రమె. పైన వుదహరించినవన్నీ ఇలస్ట్రెషన్ రంగం లొ పేరు గాంచిన పేర్లవి , నాకు పెద్ద పని పాటా లేదు కాబట్టి , వున్న పెద్ద పని అల్లా ప్రపంచంలొ ఎ మూల ఎవరు ఏ ఏ బొమ్మలు వేస్తున్నారొ చూడ్డం , వాటిని దండమ్ పెట్టుకొడం, ఒక్క కొటి రూపయలు గాని వుండివుంటె వరల్డ్ టూరెసి మా గురువులందరికి దండప్రణామాలర్పించేసి వొ పద్యమ్ పాడెసి ఆత్మహత్య చేసుకుందునుకదా అనుకొడం , ఇదంతా కడుపు నిండిన బేరం, పనికి మాలిన ఉపన్యాసం , అసలు మా వూరొళ్ళె ఇంత.
వొ మధ్య వొ ఆర్టిస్ట్ మిత్రుడు ఇంకొంత మంది ఆర్టిస్ట్ మిత్రుల మధ్య బొజనానికి పిలుస్తే వెళ్ళా , ఈనాడు నుండి వచ్చిన వొ ఆర్టిస్ట్ గారు మీ పేరు అన్వరా? సాక్షిలొ చేస్తారా? ఏం చేస్తారూ? పప్పు రుబ్బుతారా? అంట్లు తొముతారా? అని మాట్లాడితే, కనీసం పేపర్ లొ పని చేస్తున్నందుకు సకల ప్రపంచానికి కాక పొయినా కళా ప్రపంచానికి మనం తెలుసుండక పొమా, అనే నా గర్వం సర్వం ఖర్వం అయ్యాక కూడా అన్నెం పున్నెం ఎరుగని పాఠకుల మీదికి మీకు వాళ్ళు తెలీదా? వీళ్ళు తెలీదా?? అనడం ఎంతవరకు పద్దతి?
అభిరుచి ముక్కెమ్, శ్రీ భరాగొ గారి కథ లొ వంటొచ్చిన మగాడికి మల్లె, నీకా ఒక విషయం మీద ఆసక్తి వుందనుకొ దాని వెంట అట్టాగే పొతావు ,ఇంటరెస్ట్ లేదనుకొ దాని మొఖం చూడాల్సిన అవసరం కూడా లేదు, కాబట్టి పై పేర్లు అన్నీ తెలియాలంటే ఆర్టిస్ట్ అస్సలు కానక్కర్లా, దీనికి రివర్స్ లొ ఒక కేస్ వుంది, బొమ్మల ప్రపంచం తొ గాని, రంగుల లొకం తొ గాని మామూలు సంభంధమ్ అటుంచితె వేలు విడిచిన, మడిచిన కూడా లేని ఒక వ్యక్తి గురించిన కథె ఇది

వొ విజయవర్ధన్ ఆకారం ఆరడుగులుగావుండి, భుజాన వొ బ్యాగ్ తగిలించుకుని తెల్లగా నవ్వుతూ, చూడ్డానికి అచ్చు సాఫ్ట్ వేర్ మనిషిలా వుంటాడు కాని ఖచ్చితం గా సాఫ్ట్ వేర్ కాదు అనుకుంటాం కాని సాఫ్ట్ వేరే. బెంగళూర్, పట్టి పట్టి పసిగడితె ఎదొ ఒక శని ఆది వారాల్లొ హైదరాబాద్ లొ కూడా తేలుతుంటాడు . వయసు చూస్తే 30 కి వటొ విటొ జీతం కూడా 30000 లకి విటొ వటొ అనుకుంటాం, అదీ నిజం కాదు, చెప్పాలంటే నా లాంటి వాడు పెన్సిలు ములుకు మీద వెయ్యి జన్మలు తపస్చేసినా కళ్ళ పడనంత , ఇన్ని సలక్షణ లక్షలున్నవాడు మరొకడైతేనా!!!,
మరీమనిషిని చూస్తే? కళ బాగా పూని వెర్రి వర్ధిల్లిన వాడు , బెంగులూరులొ మైసూర్ మహరాజ గారి బాబు గారి ప్యాలెస్ లాంటి అపార్ట్మెంట్ , దాంట్లొ వొ భారి ఫ్లాట్ కొనుక్కొని , చూసారా ఏం చేశాడొ? చక్కగా ఇంటినిండా సొఫాలు, పూల కుండీలు, అర్ధం పర్ధం లేని పెయింటింగులు , నెత్తికడ్డంగా షాండ్లియార్లు అలంకరించుకొవాలి గాని ఇదేంటీ???, కుడి ఎడమల పుస్తకాలు, ముందూ వెనుకల పుస్తకాలు , పొనీ అవేమైనా జీవితాన్ని ఇంకా పైకి తీసుకేల్లె 30 రొజుల్లొ కంప్యుటర్ లాటి వయితే పర్లేదు కానీ అన్నీ సాహిత్యంవొ, కార్టూన్లవొ.పెయింటింగ్ లవొ ,శిల్పానికి సంభందించినవొ. ఆర్ట్ జన్మ ఎత్తి ఆర్ట్ చెస్తునామనుకునె వాళ్ళు ఎవరూ ఎప్పుడూ విని వుండని పేర్లూ
మంచం మీద పరుపే వుంటుంది, కాని ఆ డబుల్ కాట్ మంచం కింద?? వొ పడవ లాంటి పెట్టెలొ నిండా ప్రపంచ సినీమా!!!!! తెలుగు జన్మ ఎత్తి తెలుగు సినిమా చెస్తున్నా మనుకునె వాళ్ళ నంగతి నాకు తెలీదు మరి ,ఇక బీరువాలు తీస్తే చక్రాలు చక్రాలు గా డీవీడిలు పాపం అంతటి ఇంట్లొ బట్టలు పెట్టుకొడానికి చొటులేక బట్టలు కూడా పెద్దగా కొనినట్టు లేదు, ఎప్పుడు కనబడ్డా ఆ ఇటుక రంగు జుబ్బాలొ వుంటాడు, సత్య ప్రమాణకం గా పేంట్ సరిగా చూడ లేదు.
75 ఏండ్ల బాపు గారికి అతి చిన్న వయసున్న మిత్రుడు , ఆయన ప్రస్తావన వచ్చినప్పుడళ్ళా బాపుగారు విజయ వర్ధన్ గారు దేవుడు లాంటి మనిషండి అనడం నేను ఎరుగుదును.
సరే బాపు గారి లాంటి మహా మహులతొ స్నేహం ఆయనకూ గొప్పే ,మరి నాలాంటి ఉడుతలతొ?? అంతే దయగా వుంటారు. రెగ్యులర్ గా మెయిల్ చేస్తారు, అప్పుడప్పుడు ఫొన్ చేస్తారు మాట్లాడ్డం బొత్తి గా రాదు " అన్వర్ గారు బాగా జలుబు చేసిందట గా వొ లక్ష రూపాయలు పంపించనా"? అంటారు, మనకి అర్ధమైపొతుంది మామూలు దేవుడు కాదు వెర్రి దేవుడని.
విజయవర్ధన్ గారిని నా స్నేహితుడు అనే సాహసం స్థాయీ నాకు లేవు గాని , ఆయన మాత్రం నన్ను స్నేహితుడు గానే చూస్తారు. తెల్లవారు నల్లవాడి కి నాగరికత నేర్పినట్టు నాక్కూడా కాస్త సంస్కారం నేర్పిద్దామని సరదా పడుతుంటారు. కోందరి సాంగత్యం వలన జీవితంలొ ఆనందం వస్తుందట , నా జీవితానికి అటువంటి ఆనందాన్ని చేకూర్చే వారినిచ్చిన భగవంతుడికి నా ధన్యవాదాలు
అచ్చు తప్పులుంటే రవి గారు ఇంకొందరు రవి గార్లు క్షమించాలి, మరే తప్పులున్నా పాఠకులు, విజయ్ వర్ధన్ గార్లు క్షమించాలి.

ధర్మ సూక్ష్మం

2009-07-24T18:51:00.002+05:30

బొమ్మ పడింది

2009-07-09T19:24:00.008+05:30

ముందుగా వెయ్యలనుకున్న బొమ్మతాలూకూ కథ చచ్చినట్టు చదవాలి, ఆనక ఆలొచనల్లొ తీవ్రత లేకపొయినా మొహం మాత్రం చాలా ఉగ్ర చెండాలంగా ఉంచుకుని మనల్ని ఎవరూ డిస్త్రబ్ చేయడానికిధైర్యం చాలనంత ఇదిగా వుందాలి లేపొతే అందరికి లొకువైపొతాం.
ఉత్తమ,మధ్యమ ,ప్రధమ పురుష లకు మల్లె బొమ్మల్లొ కూద మనం ఎదొ ఒక దాని వెనుక చేరిపొయీ అక్కద్నుంచి బొమ్మ చెప్పదం మొదలు పెట్టాలి. ఇక్కద కథ లొ గ్నాపకాలు ముక్కెం కాబట్టి , పెద్దలు, పిల్లలూ, పుట్టనివాల్లూ అందరూ గతకాలం మేలు వచ్చుకాలం కంటే అని ఎకగ్రీవంగా వొప్పెసుకున్నారు కాబట్టి , గత కాలం ఎప్పుడూ మన బాల్యం లోనూ, నేస్తులతొనూ ముడి పడి వుంటుంది కాబట్టి నా బొమ్మ కూడా కథా నాయకుదు మరియు అతని స్నేహితులతొ మొదలెట్టెద గాక.
బొల్డన్ని సార్లు పిల్లల స్కెచ్చులు గిలికిన తరువాత ఎదొ ఒకటి కుదురుతుంది.
దాన్ని చక్కగా ముందుంచుకుని దేవుడా దేవుడా దేవుడా అనుకుంటూ గుండేలు చిక్క బట్టుకుని రెందవ చిత్తు గీయడానికి మొదలు కావాలి , మన ఖర్మ బాగుండి అది కూడాబాగా వచ్చిందనుకొ ఇంకొంత ధయిర్యం ,చాలా బయ్యంతో ఇంక అసలుబొమ్మ గీయదానికి ముందు, తరువాతా బొమ్మ అంత అయి పొయెవరకు కూడా దేవుడా దేవుడా దేవుడా మంత్రం చడువుతూనే వుండాలి ఎట్టి పరిస్తితుల్లొ అపరాదు.
పైని మూడవ రఫ్ లొంచి చక్కని సింగల్ లైన్ బొమ్మను లాక్కొరావాలి, ఇక ముందుంది రంగుల పండుగ , ఈ బొమ్మను ముందుగా చార్కోల్ తొ వేసి అతరువాత వాతావరణానికి రంగులద్దుద్దామనుకున్నానుకున్నా, కాని చార్కోల్ లేకపొవదం వల్లా ఇండియన్ ఇంకు ను పలుచన చేసి పిల్లగాల్లకు వెలిసి పొయిన పొటిగ్రాఫ్ రంగుల్లొ దింపా, మధ్యలొ బొమ్మమీద వొ లుక్కేసిన గురువు గారు హంపి గారికి , నాకు రంగులు అవి సరిగ్గా కుదరవండి అని సంజాయిషిలు ఇచ్చ్హుకున్న తరువాత మళ్ళీ బొమ్మ మొదలెట్టా , అమ్మయ్య ఇంకేం భయం లేదు సగం బొమ్మ వొకె , అలా ముచ్చటగా వచ్చిందనుకున్న బొమ్మని కాపీ తీసి రఫ్ బ్యాక్ గ్రవుండ్ వర్క్ మీద పడిన తరువాత ఎక్కువ ఇబ్బంది పెట్టకుండానే కుదిరింది, ఇంకొ గంటలొ బొమ్మ అయిపొద్ది అనుకుంటుండగానే ఉరు వాడ బతుకు ఫేం క్రిష్న మూర్తి గారు వచ్చి " నాయనా నీ రేఖ , రంగూ, కంపొజిషన్ లాంటి మనసుకింపైన మాటలుచెప్పి ,దీవించి వెల్లిపొయారు, డెడ్ లైను ,గంట లేటూ , అని గజ గజ లాడి పొతూ రంగులు గిజా గిజా పులిమేస్తే దిగిందింత బొమ్మ , చిట్ట చివర పైనల్ టచ్ అంటారే ఆ మాదిరి గొదావరి నది మీద ఏ పక్షులు ఎగురుతాయొ మనకి ఎరిక లేదు గాని ,గురువు టొప్పి గారికి దండం పెట్టు కుంటే అదిగొ అలాంటి పక్షులు ఎగిరాయి , టైటిల్ రాసేంత టైం కూదా లేదు , బొమ్మ వన్ డాట్ ఫాట్టీ లొ పడేసి , దేముడు గారికి థేంక్స్ చేప్పేసి..............................

ఆఫ్ట్రాల్ ఆర్టిస్ట్ గాళ్ళు

2009-05-01T02:41:00.004+05:30

ఎందుకు ? ఏం చెస్తారు ? లాంటి వేం పెట్టుకొలేదు. రచన శాయి గారు అడిగిన వెంటనే బాపు,రమణ గార్ల భొమ్మ వేసి ఇచ్చా, రమణ గారు హాయి గానే వచ్చారు, బాపుగారి బొమ్మదగ్గరె బయ్యం వేసింది.

మూడ్రొజుల తర్వాత Office లొ జీడి గుంట వెంకట్రావు గారు Urgent గా త్యాగరాయ గాన సభ దగ్గరికి వెళ్ళమన్నారు, ఎందుకూ అంటె చెప్పరు, సభ దగ్గర నాకూ, బండికి Break లు వేస్తూ, పెద్ద హొర్డింగ్ ,A4 Executive Bond నుండి A 400 size కెక్కిన బాపు రమణ గార్లు నవ్వుతూ ,నన్నేచూస్తూ.
ఆ మూడు రొజులు నాకు పండగే ,రచన పుస్తకాల మీద, స్వాగత తొరణాలపైన, ఆహ్వాన పత్రాల్లొ, సభ సన్మాన షీల్డ్ కూడా నా బొమ్మే, మద్రాస్ చేరంగానె బాపు గారు పొన్ చేసి "రమణ గారు మీరు గీసిన బొమ్మ ఇంట్లొ పెట్టుకొవాలనుకుంటున్నారు, ఒక కాపి పంపగలరా" అని. మాటలేం వస్తాయి.

సీన్ కట్ చేస్తె, వొ రొజు ప్రజాశక్తి Book houseలొ మొహన్ గారి కవర్ పేజీ తొ వొ కొత్త పుస్తకం, ఉత్తినె అని AVS అనే సినిమా వాడిది, లొపలి పేజిల్లొ, బాపు రమణ గార్లకి అంకితం ఇస్తూ నా బొమ్మ తొ (మా వూరి భాష లొ అవితె వాళ్ళ బ్బ గాడి సొమ్ము ఐనట్టు ఆంటారె అట్లా అన్నమాట). నన్ను గాని ,శాయి గారిని గాని ఒక్క మాటా అడగలెదు. బుక్కు పేరు ఉత్తినె అన్నట్టూ ఇదీ ఉట్టినె అన్న మాట. మొహన్ గారి కి ఫొనె చేస్తె , "నాకూ డబ్బులు ఎగ్గొట్టాడబ్బా" అని Reply.

తర్వాత తెల్సింది అరొగ్యం బాగా పాడయిందని, పాపం Hospital ఖర్చులకు వాటికి డబ్బులు ఇబ్బంది అయ్యి ఇట్లా అర్టిస్త్ charges అవి సరిబుచ్చాడని. పొన్లే మా డబ్బులు ఒకరి ప్రాణం కాపాడాయంటే మా పాడు జన్మ చేసుకున్న పుణ్యం కాక మరేటి?

ఎగిరే క్లాస్ రూం

2009-05-01T01:40:00.002+05:30

ఆరెడెనిమిత్తొమ్మిదేళ్ళ కిందట జేబిలొ 20 రూపాయలతొ సగం హైద్రాబాద్ ని కొల్లగొడదామని బయలుదేరిన ఓ వొ ఆదివారం సాయంత్రం సూర్య టాకీస్ ఎదుర్రొడ్డులొ కనబడిందా పుస్తకం, చిన్న పుస్తకాల గుట్ట, ఎవరొ గాని ఆ పేరు తెలియని మహానుభావుదు రెండు రెండు మూడు మూడు పుస్తకాలన్ని కలిపి చక్కగా బైండు చేయించుకున్నారు, అన్ని నిఖర్సైన ముత్యాలే, గుర్తున్నంతలొ మాబిడీక్, కడలి మీద కొంటీక్, తాతాచార్ల కథలు, తిరుమలరామచంద్ర స్వామి వారి నుడి-నానుడి, కుప్రిన్ యమ కూపం, బాపు గారి బొమ్మలతొ ఏండర్సొన్ కథలు,
నా వాటా కింద వచ్చింది ఒకే ఒక బైండు, బాపూగారి రంగు బొమ్మల్తొ వున్న అల్లరి గొపి అద్భుత యాత్ర పుస్తకం అది, దాంతొ పాటూ జత చెయబడి వుంది ఎగిరే క్లాస్ రూం. బాపు గారి బుక్కు లేకపొతె నేను దాన్ని ముట్టి వుండే వాన్ని కాదూ, అది నా చేతికి వచ్చి వుండేది కాదు, ఇంత కత వుండేది కాదు.
అరొజుకు మునుపు గాని, ఈరొజు వరకు ఎగిరే క్లాస్ రూం పేరు గాని, ఎరిక్ కాస్త్నర్ పేరు గాని విన్నవాల్లు, చదివిన వాళ్ళెవుళ్ళు నాకెవురు తగల్లేదు.
తెలుగు బాల సాహిత్యం లొ పేరు గాంచిన పుస్తకాలు కొన్ని వున్నై, 1970 లొ బొమ్మకంటి సింగరాచార్యా గారు చేసిన ఈ అనువాదాన్ని మించిన పుస్తకం నాకు ఏదీ తగల్లేదూ (ఈ విలువ లేని విలువైన అభిప్పిరాయం పైన రచ్చ అహ్వానించబడుటలేదు) ఈ పుస్తకం నాకిచ్చిన మహత్తరానందాన్ని నలుగురికి పంచుదామని డొక్కసుద్ది, అక్షర గ్నానం కలిగిన మిత్రులందరితొనూ చదివించా , అలా చదివించె క్రమం లొ పుస్తకాన్ని వొ కాకెత్తుకు పొయింది.
నాలాగే ఎగిరే క్లాస్ రూం ని ప్రేమించిన సుందర్ అప్పట్లొ దాన్ని వొ భయంకర ఆవాల జిరాక్స్ తీయించాదు, ఇదిగొ ఇన్నాల్ల తరువాత గీతా గార్ని పొరి పొరి పునర్ముద్రణ కు వొప్పించి, ఎగిరే క్లాస్ రూం తాలూకు ఇంగ్లీష్ అనువాదాన్ని కూదా సాధించి ఆ జిరాక్స్ ని, ఈ అనువాదాన్ని, వొంటిని దగ్గరుంచుకుని నెలపాటూ కష్టపడితే బయటికి వచ్చింది ఈ పుస్తకం.
పుస్తకాన్ని వేసిన గీత గారికి నావి వేయి దండాలూ, సుందర్ వి వంద దండాలు, పుస్తకం బయటికొచ్చి 8 నెలలైనా100 కాపీలు కూదా అమ్ముడవని తెలుగు పాఠకప్రపంచానికి ఏం పెట్టగలం ?

మేమూ మా బాపు గారు

2009-04-25T10:46:00.001+05:30

పదకొండేళ్ళ కిందటి వుత్తరం లొని ముక్కలివి "బాపు గారు నాకు బొమ్మలేం వద్దు, మీదగ్గర్నుంచి ఒక్క ఉత్తరం ముక్క , ఈ జన్మ కింత చాలు.(ఇలా రాస్తానా మీ Reply వస్తుందా, మళ్ళీ ఇంకొటి రాస్తానా మళ్ళీ Reply ఇమ్మంటానా, ఇంకంతే , ఇది అంతు లేని కథ")

అనుకున్నంతా అయింది, ఊహించిందే జరిగింది వొక బండ మొండి వాడు కొట్లాది మంది అరాధ్య చిత్రకారున్ని, తెలుగు రాతకు, గీతకు, వర్ణానికి దారి, దిక్కు ఐనవాడిని, తెలుగు చిత్రకళ కు ముందు, వెనుక వాడిని, హద్దులు లేని చిత్కళ హద్దుల అంతం చూసిన వాడిని, ఒఖ్ఖ తెలుగులొనే కాదు, భారత దేశం మొత్తానికే కాదు, ప్రపంచ చిత్రకళా రంగంలొ బాపుగారంత విస్త్రుతంగా వైరుధ్యంగా బొమ్మలు గీయగలిగిన వారు మరొక్కరు లేరన్నంత బాపు గారి లాంటి వాణ్ణి.

ఒకటా రెండా ఎన్ని ఆగడాలని చెప్పను , ఎంత అవివేకమని ఒప్పుకొను, ఆయన పుస్తకాలు కొట్ట్టేశా, డబ్బులు కాజేశా, సినెమా సీడీ లు, బొమ్మల వొరిజినల్లు, వాటి తాలూకూ Sketch లు, ఆయన దగ్గరికి వెళ్ళినప్పుడల్లా మా పిల్లవాడి పేరిట పూతరెకులు, జీడి పాకాలు, నా నోటికి ఆలూ బొండాలు, అయన చేతి Coffee లు..............నిన్నటికి మొన్న ఇదిగొ ఇలా Family portraits కూడా.

నాకు మంచి మర్యాద తెలీవు, మీరు కొత్తగా కనిపెట్టనఖ్ఖర్లె మాకు ముందె తెలుసు, పద్దతి పాడు లెవు ఇదీ మీరు చెప్పనక్కర లేదు, అదీ తెలుసు, పెద్దల పట్ల వినయం వందనం దణ్ణం, లెఖ్ఖా జమా జాన్తానై. ఐనా मेरे पास బాపు గారు है! ఆయన చల్లని చూపు है! కొండంత ప్రేమ है! తెలుగు జన్మ ఎత్తి తెలుగు బ్రతుకు బ్రతుకుతున్న వాడికి ఇంతకన్న ఏమి కావాలి है?

ఇరవై portrait ల కథ

2009-04-23T12:59:00.000+05:30

"ఏమండి ఓ బొమ్మ కావాలి" అంటూ పాపం వాళ్ళెవరొ వస్తారు, "matter ఇవ్వండి , రేపు సాయంత్రాని కొ, ఎల్లుండి పొద్దునకొ బొమ్మ తీసుకొండి" అంటూ ఏ Austin Briggs బొమ్మలొ, David Downton portraits నొ, లెపొతె Sergio toppi magic నొ, Albert Dorne composition command నొ, Noel sickle line నొ, Robert Heindel speed లొ నొ మునిగి తేల్తున్న ,మనకు మనం పనిచెస్తుంది ఒక daily లొ అని పనులన్ని టకా టకా చకా చకా అవ్వాలని తెలీక కాదు, వొల్లు బద్దకం అంతకన్నా కాదు, బొమ్మలంటె బయ్యం స్వామి, ఈ రొజు రాని బొమ్మ రేపు చచ్చుకుంటూ వస్తుందని బ్రెమ.
పైగా ఏ portrait పనులొ పడ్దాయనుకొ, minimum రెందు గంటలు ఒక portrait కి, అదీ ఒక్క attempt లొ వచ్చి చావదు, రెండొ సారొ, నాలుగొ సారొ గీసి నిజ్జెంగా ఛావాల్సిందె, ఎందుకంటె బొమ్మలంటె బయ్యం స్వామి.
అట్టాంటి ఘనమైన మనమెక్కడా? మంగళవారం నాడు మనకొచ్చిన పని ఎక్కడ? రేపటి తొ పొలింగ్ అఖరి రొజు కాబట్టి నేను సింపుల్ గ వొ ఇరవై portraits గనక వేసిస్తే వాళ్ళు ఇంకా సింపుల్ గా page లొ పెట్టేసుకుంటారట. కళ అనుకుంటున్నారా? కామర్స్ అనుకుంటున్నారా, నన్ను నన్నే అనుకుంటున్నారా Norman Rockwellఅనుకుంటున్నారా? Highly impossible guys, u know I am very busy పైగా ఈరొజు Sunday deadline కూడానూ,Sunday అంటె తెలుసుగా " కుంచె కొంచెం" నా తాట తీస్తుందది, idea రావాలా! బొమ్మ రాలాలా! హెంత పని!!!
ఐనా అంత పని వున్నా కళ కి అంకితమైన కళంకితమై............ ఏంటొ రాసె వాళ్ళు అంతంత ఎట్టా రాసి ......... విషయం ఎమిటంటే కనీసం , హీన పక్షం 3౦ గంటల్లొ చెయ్యాల్సిన పనిని దెబ్బకు 13 గంటల్లొ ఐపొయిందంటె ఆ సరస్వతి దేవి నామీద ఎంత కరుణ చూపించి వుండాలా, నా ఎన్నెముక ఎంత నొప్పి దీసి వుండాల? పనంతా ఐపొయినాక కుర్చి లొంచి లేసి , చెతులు వెనక్కి విరిచి వళ్ళు విరుచుకుంటుంటె అ హాయి వుంది చూడు స్వామి.....
క్షమించాలి, వేసింది 19 portraits లే ఆ YSR ది మాత్రం మునుపెన్నడో గీసింది.

స్కెచెస్/Sketches

2009-04-14T11:08:00.000+05:30

కథలకి కథల బొమ్మలు , కవిత్వానికి తిక్క బొమ్మలు ,వ్యాసాలకి వెర్రి బొమ్మలు, కొన్నిసార్లు నవ్వించె cartoons చాలాసార్లు abstract ఆర్ట్ లాంటి అయోమయ cartoons , చచ్చినా ఆ బొమ్మలొ వారెవరొ కనుక్కొలెని మొహచిత్రాలు(వనగా portraits వన్నమాట) గీసి గీసి గీసి గీసి ......... హత విధి .
చాలమటుకు ఈ పై నైపుణ్యమంతా पापी पेट के लिय, లేదా కాపర్స్ కొసం అదీ లేదా ఆశాశ్వితం ఐన కీర్తి దాహమ్ ఇంకా పేరు పై మోహం. లాంటి ఇట్టి వట్టి బూటకాలతొ నిమిత్తం లేని సరదా సరదా పని వొహటుంటుంది सारी दुनिय वुस्को नही जान्ति, सिर्फ़ हुम जैसे महान कलाकार దాన్ని మేం sketching అంటాం.
ఒక sketch ఇచ్చే ఆనందం ఎన్ని వందల బొమ్మలు వేస్తే వస్తుంది గురూ? కాస్తొ కూస్తొ బొమ్మల మీద సరదావుండి, తీరికా వుండి, ఖాలీగా వుండి.... లాంటి అద్రుష్టం గనక మీకు వుంటె నెట్ లొ sketch books మీద serch చెయ్యండి.
చెయ్యండి చెయ్యండి తప్పేమి లేదు .భగవంతుడు మా కిచ్చినంత జ్ఞానం మీకూ ఇవ్వాలని రూలేం లేదుగా, అందులొని మజా తెలుస్తే తెలుస్తుంది, లేపొతే లేదు.

ఫతంజలి గారి కోసం Or we miss you a lot

2009-04-11T12:24:00.000+05:30

ఇట్లా వ్రాసె ఒక రోజు వస్తుందని ఎన్నడూ ఉహించలేదు, ఆయన ఉన్న రొజుల్లొ ఆయన్ను ఏమాత్రం సంతొష పెట్టగలిగామో తెలియదు , అయన మాత్రం వున్ననాల్లు మమ్మల్ని నవ్వించి ఇప్పుదు అంతకంత ఏడ్పిస్తున్నాడు. మనుషులనదగిన వాళ్లలొ ఒకేఒకే మహ మనీషి మా పతంజలి రాజుగారికి వట్ఠి ప్రేమతొ.............

ఒకానొక చిత్రకారుడి గోస Or some thing like gamble

2009-04-11T12:14:00.000+05:30

ఈ జన్మకే కాదు ఎన్ని వందల జన్మలు ఎత్తినా బొమ్మలు వ్రాసి పెట్టలేదని బెల్జియం అద్దం చూపినంత స్పష్ టంగా తెలుసు (వ్రాయదమే ఒక చావు అనుకుంటే ఈ అప్పు తచుచు ల చావు మరొహటా, హే భగవాన్ .) తెలిసి తెలిసి జీవితమంతా వాటి వెనకే పరుగెత్తే ఒకానొకా దిక్కు మాలిన జాతికి చెందిన ఒక చిత్రకారుడి గోస